جواب: موجودہ دور کمپیوٹر کا عہد کہلاتا ہے۔کمپیوٹر بظاہر ایک مشین ہے لیکن یہ دوسری مشینوں سے مختلف ہے۔ بعض مشینیں ایک ہی طرح کا کام انجام دیتی ہیں جبکہ کمپیوٹر ایک ایسی مشین ہے کہ اس میں جس قدر معلومات اعدادوشمار دیئے جائیں یہ ضرورت پڑنے پر ہمیں چند سیکنڈوں میں فراہم کر دیتی ہے۔ کمپیوٹر کے ذریعے بچے ویڈیو گیم کھیلتے ہیں اور اس پر کتابیں اور رسائل بھی مختلف زبانوں میں کمپوز کی جاتی ہیں اور ان کےپرنٹ نکال کر انہیں شائع بھی کیا جا سکتا ہے۔ بس اتنا ہی نہیں اس کے ذریعہ میزائل اور خلائی راکٹ بھی چھوڑے جا سکتے ہیں۔کمپیوٹر انسان کی طرح سوچ تو نہیں سکتا لیکن انسان سے کہیں زیادہ تیز رفتاری کے ساتھ بہت سے کام انجام دے سکتا ہے۔