جواب: گوتم بدھ نے اپنی زندگی کے حقائق کو بنیاد بنا کر آٹھ رہنمائی اصول قائم کیے ہیں۔ ان آٹھ اصولوں کو آٹھ راست راہ کہتے ہیں۔

۱۔ صحیح علم۔ صحیح علم کا مطلب ہے نظریہ درست ہونا چاہیے اور مناسب معاملہ فہمی ہو۔

۲۔ صحیح ارادہ۔ نرواں کو راہ دکھانا یعنی نجات حاصل ہونے پر تمام دکھ فنا ہو جانا ہے۔

۳۔ صحیح کلام۔ نرم لہجہ محبت بھری باتیں یعنی شیرین بیانی ضروری ہے اگر یہ نہ ہو تو گفتگو جھگڑے کی دعوت دیتی ہے۔

۴۔ صحیح عمل۔ اپنی زبان کے ذریعہ یا ہاتھ سے کسی کو تکلیف نہ پہنچانا یعنی غریبی اور بیماروں کو مدد کرنا چوری نہ کرنا اور خدمت خلق کرنا۔

۵۔ جائز اور حلال کمائی۔ یعنی اپنی روزی روٹی کو محنت اور ایمانداری سے کمانا۔

۶۔صحیح کوشش۔ یعنی اچھی کوشش کرنا ذہن کو گندگی سے دور رکھنا تاکہ برے خیالات پیدا نہ ہوں۔

۷۔ نیک خیال۔ ذہن کو پوری طرح بیدار رکھنا اور ہمیشہ اپنے مشاہدات اور اپنے ارادوں کو مضبوط بنانا۔

۸۔ صحیح غوروفکر۔ ہر کام کو غور وفکرسے کرنا اور اس کے علاوہ ذہن کو صحیح طرح سے استعمال کرنا۔